सावखेड तेजन येथील जनता विद्यालयात स्नेहसंमेलनाचे उद्घाटन

लोकनेता न्युज नेटवर्क

सिंदखेड राजा :- दि.२३ रोजी तालुक्यातील जनता विद्यालय,सावखेड तेजन येथे नेताजी सुभाषचंद्र बोस व बाळासाहेब ठाकरे यांच्या जयंती निमित्त, स्नेहसंमेलना चे आयोजन करण्यात आले होते. सिंदखेड राजा तहसिल कार्यालयाचे नायब तहसीलदार डॉ.श्री.प्रविणकुमार वराडे,सावखेड तेजन गावचे सरपंच श्री.के.बी.अचलखांब,शाळेचे मुख्याध्यापक श्री.के.आर.धुमाळसर,पर्यवेक्षक डी.आर.पाटील यांचे हस्ते प्रतिमेचे पुजन करुन स्नेहसंमेलनाचे उद्घाटन करण्यात आले. कार्यक्रमाचे प्रास्ताविक शाळेचे पर्यवेक्षक डी.आर.पाटील यांनी केले.
कार्यक्रमाचे प्रमुख पाहुणे म्हणुन डॉ.श्री.प्रविणकुमार वराडे यांनी विद्यार्थांना मार्गदर्शन केले. पुढे बोलत असताना विद्यार्थांला आयुष्यात पुढे जायचे असेल व स्पर्धेच्या युगात टिकायचे असेल तर निश्चित ध्येय ठेवुन,सकारात्मक दुष्टीकोन व चांगल्या सवयी आत्मसात कराव्यात,तसेच शालेय जीवनापासुनच स्पर्धापरीक्षेची तयारी ठेवावी.व अभ्यासाच्या चांगल्यासवयी स्वत:ला लावून घ्याव्यात. व शालेय परीक्षेत कॉपीमुक्त परीक्षेला सामोरे जाऊन यश संपादन करावे असे आवाहन त्यांनी विद्यार्थांना केले.
कार्यक्रमाचे अध्यक्ष शाळेचे मुख्याध्यापक श्री.के.आर.धुमाळसर यांनी नेताजी सुभाषचंद्र बोस व बाळासाहेब ठाकरे यांचे जीवनावर प्रकाश टाकुन विद्यार्थांना अभ्यास कशापद्धतीने करावा व कॉपीमुक्त परीक्षेला कसे सामोरे जावे. या संदर्भात विद्यार्थांना यथोचित मार्गदर्शन केले.याप्रसंगी श्री.आर.एल.मेहेत्रे, श्री.एस.बी.जायभाये, श्री.एस.ओ.पडूळकर, सौ.व्ही.एस.सरोदे, श्री.पी.एस.ढंगारे, श्री.के.पी.पवार, श्री.आर.एस.चाटे शिक्षक तसेच शिक्षकेत्तर कर्मचारी विद्यार्थी उपस्थित होते. कार्यक्रमाचे सूत्रसंचलन श्री.एस.टी.शिंपणे यांनी केले.तर आभार प्रदर्शन श्री.व्ही.आर.जायभाये यांनी मानले, कार्यक्रमाचे स्नेहसंमेलनाचे उद्घाटन कार्यक्रमानंतर,मैदानी स्पर्धांचे आयोजन देखील करण्यात आले होते.

_____________________________________

🪀सर्व महत्वाच्या अपडेट मिळवा Whatsapp वर नंबर सेव्ह करा व लोकनेता न्युज ला जॉईन व्हा 👉 https://join.lokneta.in/