परळी शहरात प्रथमच शिवसेना व राष्ट्रवादी काँग्रेस पार्टीचे नेते एका मंचावर, टावर चौकात बीड जिल्ह्यातील महाप्रबोधन यात्रेला मोठ्या प्रमाणात प्रतिसाद छोटेखानी सभा सत्कार समारंभ संपन्न

       राज्यात महाविकास आघाडीला पोषक वातावरण आहे. येणारा काळ हा महाविकास आघाडीच्या फायदा चा असेल व त्यासाठी आम्ही सर्व घटक पक्षातील सहकारी प्रयत्न करत आहोत, असा विश्वास आ.धनंजय मुंडे यांनी व्यक्त केला.
        बीड शहरात होत असलेल्या महाप्रबोधन यात्रेनिमित्त दौऱ्यावर असलेले शिवसेना नेते खा.संजय राऊत हे शिवसेना उपनेत्या सुषमाताई अंधारे तसेच अन्य पदाधिकाऱ्यांसमवेत आज परळीत हजेरी लावली, यावेळी धनंजय मुंडे यांनी राष्ट्रवादी काँग्रेसच्या पदाधिकाऱ्यांसह खा.संजय राऊत यांचे जोरदार स्वागत केले. याप्रसंगी त्यांनी एकत्रित जाऊन 12 ज्योतिर्लिंगांपैकी एक असलेल्या प्रभू वैद्यनाथांचे दर्शनही घेतले.
       वैद्यनाथ मंदिरातून बाहेर पडताना खा.संजय राऊत, आ.धनंजय मुंडे तसेच सुषमाताई अंधारे यांनी एकत्रितपणे पत्रकार परिषद घेतली, यावेळी ज्येष्ठ नेते वाल्मिक अण्णा कराड, शिवसेना तालुकाप्रमुख व्यंकटेश शिंदे, बाळासाहेब अंबुरे, राजेंद्र सोनी, राजेश देशमुख यांसह असंख्य पदाधिकारी उपस्थित होते.

__________________________

सर्व महत्वाच्या अपडेट मिळवा Whatsapp वर नंबर सेव्ह करा व लोकनेता न्युज ला जॉईन व्हा  https://join.elokneta.in/