परळी-अंबाजोगाई रस्त्यावरील हॉटेल मध्ये अज्ञात व्यक्ति कडून गोळीबार

This get from this site or source

लोकनेता न्युज नेटवर्क

परळी/विजय रोडे :- परळी-अंबाजोगाई रोड कनेरवाडी घाट येथील चहाच्या हॉटेलवर सिगारेटचे पाकीट महाग का दिले म्हणून गोळीबार केल्याची घटना रात्री दीड ते दोन वाजण्याच्या दरम्यान घडली.तब्बल तीन राउंड फायर झाल्याने खळबळ उडाली आहे. सदरील घटना कण्हेरवाडी शिवारात घडली.

परळी पासून नजीकच असलेल्या कण्हेरवाडी शिवारात सुरेश फड यांचे यशराज हॉटेल आहे,जे विलास आघाव हे मागील एक वर्षांपासून चालवतात.या ठिकाणी रात्री एक वाजण्याच्या सुमारास चारजण चहा पिण्यासाठी आले.त्यांनी हॉटेल मधील नोकरांकडे सिगारेट चे पाकीट मागितले.

हे पाकीट महाग का दिले म्हणून या ठिकाणी ग्राहकांनी हुज्जत घातली.बाचाबाची आणि वादावादी एवढी वाढली की प्रकरण मारहाणीपर्यन्त गेले. ग्राहकांपेकी एकाने स्वतःकडील पिस्तूलातून हवेत एक राउंड फायर केला. अशी माहिती सूत्रांनी दिली. गोळीबाराचा आवाज ऐकून नोकरांनी हॉटेल चे शटर लावून घेतले, त्यामुळे संतापलेल्या या लोकांनी शटरवर दोन राउंड फायर केले.

घटनेची माहिती मिळताच पोलीस घटनास्थळी दाखल झाले. या प्रकरणी विलास आघाव यांच्या फिर्यादीवरून गुन्हा दाखल झाला आहे.

_____________

🪀सर्व महत्वाच्या अपडेट मिळवा Whatsapp वर नंबर सेव्ह करा व लोकनेता न्युज ला जॉईन व्हा 👉 https://join.elokneta.in/