सिंदखेड राजा तहसील मधील पाच वर्षे पूर्ण झालेल्या कर्मचाऱ्यांच्या बदल्याच होईना !

          अनेक कर्मचारी हे अनेक वर्षापासून सिंदखेडराजा येथे असल्यामुळे त्यांचे व लोकांचे कनिष्ठ संबंध निर्माण झाले आहे, या संबंधामुळे एकाला न्याय देण्याची भूमिका तर दुसऱ्यावर अन्याय होण्याची भूमिका निर्माण होते,त्यामुळे अनेक कर्मचाऱ्यांचे देऊळगाव राजा व सिंदखेडराजा हे आवडीचे ठिकाण बनले असून काहीतर असे कर्मचारी आहेत की सिंदखेड राजा येथून बदली होऊन देऊळगाव राजा येथे गेले व त्यातून परत सिंदखेडराजा येथे आले ,त्यामुळे कुठेतरी आर्थिक लालसा निर्माण झाल्यामुळेच असे होत तर नाही ना अशी चर्चा होत आहे,त्यामुळे ज्या कर्मचारी पाच वर्षापेक्षा जास्त सिंदखेड राजा तहसीलमध्ये कार्यरत आहे किंवा ते परत सिंदखेड राजा तहसील मध्ये आले आहेत. या कडे नविन बदली होऊन आलेले उपविभागीय अधिकारी प्रा.खडसे हे काय निर्णय घेणार आहेत हे पाहणे महत्त्वाचे आहे. अशा  कर्मचाऱ्यांच्या सिंदखेडराजा देऊळगाव राजा तालुका सोडून त्यांची बदली करण्यात यावी अशी मागणी सध्या जनमाणसात जोर धरत आहे.