“शैक्षणिक संशोधनाची बाग फुलविणारे डॉ.गजानन गुल्हाने एक आदर्श संशोधक” प्राचार्य-डॉ.सुहास पाटील

“डॉ.गजानन गुल्हाने शिक्षणातून संशोधनाची प्रगती करणारे संशोधक” – माजी कुलगुरू डॉ.वसंतराव जामोदे

प्रमुख अतिथी माजी कुलगुरु डॉ.वसंतराव जामोदे म्हणाले की,”डॉ.गजानन गुल्हाने यांनी शिक्षणातून संशोधनाची असमान्य प्रगती केली त्यामुळेच आज 25 विद्यार्थी सरांचे पीएचडी झालेले आहेत व आज समाजात संशोधन कार्य करीत आहेत हे गौरवस्पद आहे.सरांनी आपल्या शैक्षणिक कालखंडामध्ये एक उत्कृष्ट शिक्षक म्हणून नेहमी कार्य केले.”

” डॉ.गजानन गुल्हाने एक
गणित प्रेमी”
-डॉ.एम.एल.नानकर
प्रमुख अतिथी डॉ.एम.एल.नानकर सरांनी,” डॉ.गजानन गुल्हाने हे सर गणित प्रेमी होते,त्यामुळे गणितातील चिकित्सक बाबींची त्यांनी जीवनामध्ये प्रत्यक्ष अंमलबजावणी करून वेळेला व कार्याला नेहमी महत्त्व देऊन मार्गदर्शन करून विद्यार्थी घडविले.”

“शैक्षणिक संशोधनाबद्दलची डॉ. गजानन गुल्हाने यांची पुस्तके मार्गदर्शक” – प्राचार्य डॉ.साहेबराव भूकन

जळगाव विद्यापीठातील व्यवस्थापन परिषद सदस्य प्राचार्य डॉ.साहेबाराव भूकन सरांनी ,” डॉ.गजानन गुल्हाने यांच्या शैक्षणिक जीवनातील संशोधन कार्याचे महत्त्व सांगून विविध विद्यापीठांमध्ये सरांनी केलेल्या कार्याचा गौरव केला पाहिजे असे त्यांचे कार्य आहे.शैक्षणिक संशोधनाबद्दल सरांनी लिहिलेल्या विविध पुस्तके विविध विद्यापीठातील पीएचडी करणाऱ्या विद्यार्थ्यांसाठी महत्त्वाची आहेत त्याचबरोबर सरांच्या अधिपत्याखाली अमरावती विद्यापीठाची पदव्युत्तर शिक्षण विभागाने कमालीची प्रगती केली.”

“संघर्षावर मात करून उच्च पदावर पोहोचलेले माझा बंधू डॉ.गजानन “
-श्री नरेंद्र गुल्हाने

सत्कारमूर्तींचे थोरले बंधू श्री नरेंद्र गुल्हाने म्हणाले की,माझा धाकटा बंधू गजानन जीवनात संघर्ष करून गृहस्थ जीवनातून सामाजिक व शैक्षणिक जीवनात प्रवेश करीत असताना सर्व अडचणींवर मात करून उच्च पदापर्यंत पोहोचला याचा आम्हाला अभिमान आहे.

” डॉ.गजानन गुल्हाने एक आदर्श मार्गदर्शक”
– प्रा.अरुण बुंदेले

अभंगकार व साहित्यिक प्रा. अरुण बुंदेले म्हणाले की,”संत गाडगेबाबा अमरावती विद्यापीठात शिक्षणशास्त्र पदव्युत्तर विभाग प्रमुख पदावरून सेवानिवृत्त झालेले डॉ.गजानन गुल्हाने यांच्या मार्गदर्शनामुळे आज पंचवीस विद्यार्थी आचार्य झाले.खऱ्या अर्थाने डॉ.गुल्हाने हे आदर्श मार्गदर्शक ठरले कारण गुरूच्या मार्गदर्शनाशिवाय विद्यार्थी घडू शकत नाहीत.शैक्षणिक संशोधनातील बदलांचा सूक्ष्म पद्धतीने अभ्यास करण्याच्या छंदामुळे डॉ.गुल्हाने यांना विद्यार्थी घडवण्यासाठी खूप उपयोग झाला.”

“विद्यार्थी हेच माझे दैवत” – डॉ.गजानन गुल्हाने

सत्काराला उत्तर देताना डॉ.गजानन गुल्हाने यांनी सांगितले की ,” मी हातचं कधी राखलेलं नाही जे काही केलं ते विद्यार्थ्यांना दैवत समजून पूर्णपणे देण्याचा व त्यांना घडविण्याचा प्रयत्न केला तसेच माझ्या शैक्षणिक जीवनामध्ये विविध संशोधन कार्य करीत असताना प्रत्येक विद्यार्थ्यांना मार्गदर्शन केले त्याचबरोबर विद्यार्थ्यांना सुद्धा चांगल्या गोष्टी करण्यासाठी प्रवृत्त करण्याचा प्रयत्न केला.विद्यार्थ्याच्या मार्गदर्शनासाठी नहमी शैक्षणिक क्षेत्रामध्ये सतकार्याची भूमिका घेतली.दुसरी इनिंग म्हणजेच सेवानिवृत्तीनंतर सुद्धा सामाजिक बाबी ज्या राहिल्या त्या पूर्ण करण्याचा प्रयत्न नेहमी नक्कीच करेल.”

“डॉ.गजानन गुल्हाने एक प्रभावी व्यक्तिमत्त्व”- प्राचार्य डॉ.गजानन शर्मा

सत्कार सोहळ्याचे प्रास्ताविक करताना चोपडा महाविद्यालय खामगाव येथील प्राचार्य डॉ. गजानन शर्मा म्हणाले की ,”डॉ. गजानन गुल्हाने सरांच्या शैक्षणिक ज्ञानवृद्धीमुळेच आम्ही ज्ञान वाटू शकतो.सरांचं व्यक्तिमत्त्व अतिशय प्रभावी आहे म्हणूनच ते मोठ्या प्रमाणात विद्यार्थ्यांना घडू शकले.”
कार्यक्रमाचे सूत्रसंचालन डॉ.कुकडपवार मॅडम यांनी केले तर आभार डॉ .दीपक जयस्वाल यांनी मानले.
सत्कार सोहळ्याचे यशस्वी आयोजन करण्यासाठी डॉ . गजानन गुल्हाने सर यांच्या मार्गदर्शनात तयार झालेले
25 शिक्षण आचार्य पदवीधारक विद्यार्थी व पदव्युत्तर शिक्षण विभागातील सहकारी सर्व कर्मचारी यांनी अथक परिश्रम घेतले.

__________________________

सर्व महत्वाच्या अपडेट मिळवा Whatsapp वर नंबर सेव्ह करा व लोकनेता न्युज ला जॉईन व्हा  https://join.elokneta.in/