लोकनेता न्युज नेटवर्क
वंदना करितो क्रांतिज्योतीला ।
नमन अमुचे माँ सावित्रीला॥धृ॥
स्री शुद्रांना देऊन शिक्षण।
केले तयांचे तूच रक्षण।
विद्यादानाने जागृत मन।
कर जोडितो तपस्विनीला॥१॥
चालविली तू स्री संघटना।
थांबविले तू बाल हत्त्यांना।
वाचविले लाखो विधवांना।
स्पर्श करितो तव चरणाला॥२॥
जोतीची जहाल अर्धांगिणी तू ।
क्रांतीची पेटती मशाल तू।
निर्भयतेची रण रागिणी तू ।
कर जुळती क्रांतिकार्याला॥३॥
सावित्रीचे पुण्यस्मरण करावे।
क्रांतिमाचे गीत गायन करावे।
क्रांतिज्योतीचे कर्मगीत गावे।
नमन अमुचे तव चरणाला ॥४॥
मोल दिले तू स्त्री शिक्षणाला।
घडविले तू नव समाजाला।
आचरावे अनमोल तत्त्वाला।
प्रणाम करू क्रांतिज्योतीला॥५॥
कवी
प्रा.अरुण बाबारावजी बुंदेले,
रुक्मिणी नगर, अमरावती
संबधित बातम्या
राष्ट्रसंत भगवानबाबा जयंतीदिन भक्ती-शक्ती दिन घोषित करावा – प्रा.वा.ना.आंधळे
Chandrayan 3 Landing Successful ! चांद्रयान- ३ ने रचला इतिहास
ज्येष्ठ कथाकार व कवी बबनराव महामुने यांना साऊथवेस्टर्न अमेरिकन विद्यापीठाकडून मराठी साहित्यातील मानद डॉक्टरेट – डी-लिट – प्रदान..!