अतिवृष्टीच्या निधीचा घोळ मिटेना;सोयगावात अद्यापही तेरा हजार शेतकरी वंचित

चौकट :- आधार संलग्न साठी महसूल काय म्हणतेय.
       अतिवृष्टीच्या अनुदानाची रक्कम खात्यात वर्ग होण्यासाठी पात्र शेतकऱ्यांचे आधार एन पी सी आय या प्रणालीत संलग्न असावे लागते असे महसूल चे म्हणणे आहे तर बँकांनी आधीच शेतकरी खात्याला केवळ आधार संलग्न केले आहे त्यामुळे बँक आता पाहिले झालेले संलग्नी करण रद्द करून एन पी सी आय ला संलग्न करण्यासाठी असमर्थता दर्शवित आहे त्यामुळे आधार संलग्न अभावी सोयगाव तालुक्यातील तेरा हजार २६१ शेतकऱ्यांच्या नुकसानी पोटी १७ कोटी २७ लाख ९६ हजार ७०४ रु इतका निधी महा डी बी टी च्या खात्यात पडून आहे दरम्यान या तेरा हजार २६१ शेतकऱ्यांपैकी एक हजार ९०० शेतकऱ्यांची नावे त्रुटी मध्ये असून काही शेतकऱ्यांची नावे जिल्हाधिकारी यांच्या पोर्टलवर पडताळणी अभावी पडून आहे तर काही नावे तहसीलदार यांच्या पोर्टलवर पडून आहे तर अजून काही शेतकऱ्यांनी तलाठी यांना नावे अपलोड साठी आधार कार्डचा पुरवठा केलेला नाही त्यामुळे सोयगाव च्या अतिवृष्टीच्या निधी तिढ्यात अडकला आहे.
संकेतस्थळ बंद झाल्यास मोठ्या अडचणी वाढणार
        दरम्यान चार महिन्यापासून अतिवृष्टीच्या निधीचा प्रश्न रेंगाळत आहे त्यातच दुसरीकडे महा डी बी टी ने संकेतस्थळ बंद केल्यास त्रुटी ची यादीही दुरुस्ती होणार नाही व अतिवृष्टीच्या नुकसानी पासून सोयगाव तालुक्यातील त्रुटीच्या यादीत असलेल्या शेतकऱ्यांसह आधार संलग्न नसलेल्या शेतकऱ्यांचा निधीच्या गंभीर विषय होण्याची शक्यता आहे…
टपाल कार्यालयात खाते उघडा—महसूल चे शेतकऱ्यांना आवाहन
       अतिवृष्टीने बाधित झालेल्या व एन पी सी आय ला आधार संलग्न नसलेल्या शेतकऱ्यांनी जवळच्या टपाल कार्यालयात खाते उघडावे सदर खाते ४८ तासात अपडेट झाल्यावर अतिवृष्टीच्या नुकसानी च्या निधीची रक्कम थेट त्या खात्यात वर्ग होईल असे आवाहन तहसीलदार रमेश जसवंत यांनी केले आहे.

_____________

सर्व महत्वाच्या अपडेट मिळवा Whatsapp वर नंबर सेव्ह करा व लोकनेता न्युज ला जॉईन व्हा  https://join.elokneta.in/