लोकनेता न्युज नेटवर्क
हवाच आम्हाला । शांत महाराष्ट्र ॥
सुखी महाराष्ट्र । जीवनात ॥१॥
महाराष्ट्र माझा । संतांची ही भूमि ॥
थोरांची ही भूमि । भारतात ॥२॥
महाराष्ट्रात हे । निसर्गाचे लेणे ॥
सुंदर देखणे । मनःशांती ॥३॥
मनाची ही शांती । कुठे? भारतात ॥
महान राष्ट्रात । आमच्याच ॥४॥
माझा महाराष्ट्र । महान नि थोर ॥
थोरांचा विचार । आचरणी ॥५॥
बौद्ध दीक्षाभूमी । बाबासाहेबांची ॥
शांत सागराची । महाराष्ट्री ॥६॥
बाबासाहेबांचे । संविधान एक ॥
कलम अनेक । सुख शांती ॥७॥
माजू नये दुही । महान राष्ट्रात ॥
पेटवावी वात । आनंदाची ॥८॥
आम्ही सर्व एक । महाराष्ट्रीयन ॥
जुळविले मन । शांती साठी ॥९॥
महाराष्ट्र माझा । सौंदर्याची खान ॥
निसर्गाचे दान । चोहिकडे ॥१०॥
शिवाजी राजांचे । हिंदवी स्वराज्य ॥
प्रजेचे सुराज्य । महाराष्ट्री ॥११॥
फुलेंनी पुण्यात । शिक्षण देऊन ॥
घडविले जन । महाराष्ट्री ॥१२॥
सूर्य शिक्षणाचा । पुण्यनगरीत ॥
विद्या वृद्धिंगत । महाराष्ट्री ॥१३॥
शाहू महाराज । जनप्रीय राजे ॥
बहुजन राजे । महाराष्ट्री ॥१४॥
गाडगे बाबांचा । स्वच्छता संदेश ॥
शिक्षण संदेश । महाराष्ट्री ॥१५॥
ग्रामगीता वाणी । ग्रामा नि ग्रामात ॥
थोर राष्ट्रसंत । महाराष्ट्री ॥१६॥
श्री शिवाजी संस्था। भाऊसाहेबांची॥
गंगा शिक्षणाची । महाराष्ट्री ॥१७॥
राष्ट्रपती एक । प्रतिभा माहिला ।
मान हा पहिला । महाराष्ट्री ॥१८॥
वैज्ञानिक क्रांती । महासंगणक ॥
विजय जनक । महाराष्ट्री ॥१९॥
महाराष्ट्र दिनी । करू या नमन ॥
करांनी वंदन । हुतात्म्यांना ॥२०॥
संत कबीर कविराज पुरस्कार प्राप्त
अभंगकर्ता
-प्रा.अरुण बाबारावजी बुंदेले,
रुक्मिणी नगर ,अमरावती .
भ्रमणध्वनी:-८०८७७४८६०९
_____________
https://join.elokneta.in/
संबधित बातम्या
“शैक्षणिक संशोधनाची बाग फुलविणारे डॉ.गजानन गुल्हाने एक आदर्श संशोधक” प्राचार्य-डॉ.सुहास पाटील
राष्ट्रसंत भगवानबाबा जयंतीदिन भक्ती-शक्ती दिन घोषित करावा – प्रा.वा.ना.आंधळे
Chandrayan 3 Landing Successful ! चांद्रयान- ३ ने रचला इतिहास